سماجی دوری: ایسا ریسٹورینٹ جہاں ایک دن میں ایک شخص کھانا کھائے گا

سماجی دوری: ایسا ریسٹورینٹ جہاں ایک دن میں ایک شخص کھانا کھائے گا

Owner   6:24 AM

کورونا وائرس کے پھیلاؤ کو روکنے کے لیے دنیا بھر میں لاک ڈاؤن اور جزوی کرفیو نافذ  ہے۔لاک ڈاؤن کی وجہ سے دنیا بھر میں جہاں دفاتر، تعلیمی ادارے اور تمام تر دکانیں بند ہیں تو وہیں ریسٹورینٹ بھی بند ہیں اور لوگ باہر جا کر کھانا کھانے سے محروم ہیں۔متعدد ممالک میں سماجی دوری اختیار کرتے ہوئے تمام تر حفاظتی اقدامات کے ساتھ ریسٹورینٹس کھول دیے گئے ہیں۔لیکن سوئیڈن میں سماجی دوری پر خاص عمل کرتے ہوئے جلد ایک ایسا ریسٹورینٹ کھولا جا رہا ہے جس میں ایک دن میں ایک ہی شخص کھانا کھا سکتا ہے اور وہاں بیٹھنے کے لیے صرف ایک ہی ٹیبل لگی ہوئی ہے۔یہی نہیں بلکہ ریسٹورینٹ میں کھانا پیش کرنے کے لیے ایک رسی کی مدد سے ٹوکری کے ذریعے کھانا ٹیبل تک پیش کیا جائے گا۔سوئیڈن میں سماجی دوری پر عمل کرنے والا 'ٹیبل فار ون' نامی ریسٹورینٹ 10 مئی سے کھلے گا جو کہ یکم اگست تک صارفین کو اپنی خدمات فراہم کرے گا۔ہوٹل کے سربراہ کا کہنا ہے کہ روزانہ ایک شخص ہی ایک ٹیبل پر بیٹھ کر کھانا کھا سکے گا اور اس کے استعمال شدہ برتن دو مرتبہ دھلیں گے جب کہ ٹیبل کو بھی سینیٹائز کیا جائے گا۔ ایران, کورونا کے 76 ہزار سے زائد مریض صحتیاب

ایران, کورونا کے 76 ہزار سے زائد مریض صحتیاب

کورونا کےباعث بیروزگارہوجانیوالےافراد کیلئےویب سائٹ کا آغاز کررہےہیں : وزیراعظم

کورونا کےباعث بیروزگارہوجانیوالےافراد کیلئےویب سائٹ کا آغاز کررہےہیں : وزیراعظم

Owner   6:22 AM

اسلام آباد: وزیر اعظم عمران خان نےکہا ہے کہ کورونا کے باعث بیروزگار ہوجانے والے افراد کےلیے ویب سائٹ کا آغاز کررہے ہیں جہاں وہ اندراج کرکے رقم حاصل کرسکیں گے۔ وزیراعظم عمران خان نے روزگار پروگرام  پورٹل  کی افتتاحی تقریب سے خطاب کرتے ہوئے کہا کہ آج ہم ایک ویب سائٹ کا اجرا کر رہے ہیں جس کے تحت بے روزگار افراد ویب پورٹل پر خود کو رجسٹرڈ کروائیں  ۔ لاک  ڈاؤن سے بے روزگار افراد کی مشکلات سے آگا ہ ہیں ۔ انہوں نے کہا کہ احساس پروگرام جیسی کوئی مثال نہیں ، ہماری کوشش ہے کہ سب سے پہلے غریبوں تک پہلے پیسے پہنچیں ، احساس پروگرام کے تحت تین ہفتے میں 81ارب 61 لاکھ خاندانوں میں  پیسے بانٹے گئے، اتنے تھوڑےوقت میں اتنازیادہ پیسہ بانٹاگیا ہے۔ سب سے زیادہ مجبوراورغریب طبقے میں پیسہ بانٹاجائےگا۔ کورناکی وجہ سے کئی لوگ بیروزگارہوگئےہیں، جولوگ ویب سائٹ پر رجسٹرکریں گےان کواپنا پرانےادارےسے متعلق بتانا ہوگا . رجسٹرڈہونےوالےلوگوں کی سکروٹنی کرائیں گے۔

قائد اعظم یونیورسٹی چار مئی کو کھولنے کا فیصلہ

قائد اعظم یونیورسٹی چار مئی کو کھولنے کا فیصلہ

Owner   6:21 AM

اسلام آباد: انتظامیہ نے  قائد اعظم یونیورسٹی چار مئی کو کھولنے کا فیصلہ کرلیا ہے۔

رجسٹرار قائد اعظم یونیورسٹی کی جانب سے جاری نوٹیفکیشن میں کہا گیا ہے کہ تمام چیئرپرسن، آفیسر اور مستقل و پرائیویٹ ملازمین سوموار کو اپنی حاضری یقینی بنائیں۔رجسٹرار کی جانب سے جاری نوٹیفکیشن کے مطابق اس دوران اکیڈیمک اور ریسرچ کی سرگرمیاں معطل رہیں گی۔

جاری نوٹیفکیشن کے مطابق دفتری کاموں کے لیے یونیورسٹی کے اوقات سوموار سے جمعرات صبح دس بجے سے تین بجے تک ہونگے۔ جبکہ جمعہ کے روز یونیورسٹی صبح نو بجے سے دن بارہ بجے تک کھلی رہے گی۔رجسٹرار کی جانب سے جاری نوٹیفکیشن میں کہا گیا ہے کہ دفتری کاموں کے دوران کویڈ 19 کے پیش نظر تمام احتیاطی تدابیر اختیار کی جائیں۔

مکمل لاک ڈاؤن کا فارمولا پاکستان سمیت کئی ممالک میں ناکام ہوگیا، وزیر اطلاعات شبلی فراز

مکمل لاک ڈاؤن کا فارمولا پاکستان سمیت کئی ممالک میں ناکام ہوگیا، وزیر اطلاعات شبلی فراز

Owner   6:36 AM

اسلام آباد: وفاقی وزیر اطلاعات شبلی فراز نے کہاہے کہ مکمل لاک ڈاؤن کا فارمولا پاکستان سمیت کئی ممالک میں ناکام ہوگیا۔ ملک سخت لاک ڈاؤن کا متحمل نہیں ہو سکتا۔

تفصیلات کے مطابق ،  سینیٹر شبلی فراز  نے پریس کانفرنس کرتے ہوئےکہا کہ کورونا کا بوجھ سب سے زیادہ مزدور طبقے پر پڑا، احساس پروگرام کے تحت 200 ارب کا پیکیج دیا، چاہتے تو فنڈز کی تقسیم اپنی سیاسی پارٹی کے ذریعے کرتے لیکن ایسا نہیں کیا، ہم ایک شفاف میکنزم بنارہے ہیں، ہم نے کچھ انڈسٹریزکھولی ہیں لیکن ایس او پیزسخت بنارہے ہیں تاکہ کوئی نقصان نہ ہو۔

لاک ڈاؤن پر وفاق اور سندھ میں اختلافات سے متعلق سوال کے جواب میں وزیراطلاعات نے کہا کہ 18ویں ترمیم کے بعد صوبے خود مختار ہیں اور وفاقی حکومت صرف پالیسی گائیڈ لائن دے سکتی ہے، ہم نے توازن قائم کرنا ہے۔

انہوں نے مزید کہا  کہ ایک طریقہ تو یہ ہے کہ ہم سب کچھ بند کرکے گھروں میں بیٹھ جائیں، یہ والا فارمولا نہ صرف پاکستان بلکہ امریکا جیسے ممالک میں بھی ناکام ہوگیا ہے، سندھ حکومت کو بھی اس کا احساس ہوگیا ہے، ملک کی بقا انفرادی یا صوبائیت کی بنیاد پر نہیں بلکہ مل کر چلنے میں ہے۔

شبلی فراز کا کہنا تھا کہ کچھ لوگوں کا خیال تھا ملک میں مکمل لاک ڈاؤن ہوناچاہیے، لیکن اب صوبوں کو بھی احساس ہوگیا ہے کہ لاک ڈاؤن بارے سخت پالیسی نہیں اپنائی جاسکتی، پاکستان قرضوں میں ڈوبا ہوا ملک ہے۔

وفاقی وزیر اطلاعات کا کہنا تھا کہ مکمل لاک ڈاوَن کرنے سے سپلائی چین مکمل نہیں ہوگی، ہم مکمل لاک ڈاؤن کے متحمل نہیں ہوسکتے، امیر لوگ تو گزارا کرلیں گے لیکن غریب کیا کرے گا، وزیراعظم شروع سے ہی کہہ چکے ہیں کہ مکمل لاک ڈاؤن نہیں کرسکتے۔

انہوں نے مزید کہا کہ موجودہ صورتحال میں وزیراعظم کو نئی ٹیم کی ضرورت تھی، انہیں اپنی ٹیم تبدیل کرنے کا حق ہے، وزیراعظم عمران خان کی وجہ سے سیاست میں ہوں، عمران خان سیاست میں نہ ہوتے تو میں بھی نہ ہوت

مارچ کے مقابلے میں اپریل میں مہنگائی کی شرح میں 0.8 فیصد کمی

مارچ کے مقابلے میں اپریل میں مہنگائی کی شرح میں 0.8 فیصد کمی

Owner   6:33 AM

اسلام آباد: (یکم مئی 2020) ملک بھر میں جاری لاک ڈاؤن کے پیش نظر مہنگائی میں کمی کا سلسلہ جاری ہے۔ قومی ادارہ شماریات کی جانب سے جاری کردہ اعدادوشمار کے مطابق مارچ کے مقابلے میں اپریل میں مہنگائی کی شرح میں صفر اعشاریہ آٹھ فیصد کمی ہوئی۔

رمضان کی آمد کے باوجود اپریل میں مہنگائی کی شرح میں کمی ہوئی۔ اسلام آباد میں وفاقی ادارہ شماریات کی طرف سے جاری اعدادوشمار کے مطابق اپریل 2019ء سے اپریل 2020ء تک مہنگائی کی شرح 8.5 فیصد رہی اور جولائی 2019ء سے اپریل 2020ء تک مہنگائی کی شرح 11.22 فیصد رہی۔

ادارہ شماریات کے مطابق اپریل میں دال مسور کی قیمت میں 27.5 فیصد، دال مونگ 23.1 فیصد، تازہ پھل 17.7 فیصد، انڈے 14.1 فیصد، دال ماش 14 فیصد، دال چنا 11 فیصد، بیسن 8 فیصد، چنے 4.4 فیصد اور چینی 2.5 فیصد مہنگی ہوئی۔ جبکہ اپریل میں پیاز کی قیمت میں 23 فیصد، چکن 22 فیصد اور ٹماٹر 11 فیصد کی کمی ہوئی۔

ادارہ شماریات کے مطابق ایک سال میں دال مونگ کی قمیت میں 101 فیصد، آلو 92 فیصد، دال ماش 68 فیصد، دال مسور 48 فیصد، انڈے 44 فیصد، پیاز 40 فیصد، دال چنا 31 فیصد، چینی 28 فیصد، گھی 26 فیصد، کوکنگ آئل 22 فیصد، گندم 17 فیصد مہنگے ہوئے۔ ایک سال میں گیس بل میں 55 فیصد، تعمیراتی سامان 16.6 فیصد، گاڑیاں 14 فیصد، ادویات 13 فیصد، جوتے 11.5 فیصد اور گاڑیوں کا سامان 11 فیصد مہنگا ہوا۔

واضح رہے کہ رواں سال مارچ میں مہنگائی کی شرح 10.24 اور جولائی سے مارچ کے دوران مہنگائی کی شرح 11.53 فیصد ریکارڈ کی گئی تھی۔

حکومت سے لاک ڈاوُن کے دوران خواتین ملازمین کو تحفظ فراہم کرنے کا مطالبہ

حکومت سے لاک ڈاوُن کے دوران خواتین ملازمین کو تحفظ فراہم کرنے کا مطالبہ

Owner   6:31 AM

اسلام آباد: فری اینڈ فیئر الیکشن نیٹ ورک (فافن) نے وفاقی اور صوبائی حکومتوں پر زور دیا ہے کہ وہ  ملک میں کرونا وائرس  کی وجہ سے جاری لاک ڈاون کے دوران  ملازمین خصوصا خواتین کی ملازمتوں کا تحفظ یقینی بنائیں۔

یوم مزدور پر جاری پریس ریلیز کے مطابق  فافن نے کوویڈ 19 لاک ڈاؤن کے دوران کارکنوں کے حقوق کے تحفظ کے سلسلے میں وفاقی اور صوبائی حکومتوں کے احکامات کی سنگین خلاف ورزیوں کی نشاندہی کی ہے۔

فافن کے سروے  کے مطابق 904 جواب دہندگان میں سے 26 فیصد  خواتین  کو حکومت  کی جانب سے لاک ڈاؤن کے اعلان کے بعد ملازمت سے فارغ  کردیا گیا۔ ان میں سے   14 فیصد کومستقل طور پر نکال دیا گیا جبکہ باقی ملازمین کی خدمات عارضی طور پر معطل کردی گئیں۔

یہ سروے فیصل آباد ، ہری پور ، لاہور ، سیالکوٹ ، پشاور ، رحیم یار خان ، کوئٹہ اور کراچی سمیت ملک بھرکے آٹھ اضلاع میں 15 اپریل اور 30 ​​اپریل 2020 کے درمیان کیا گیا ۔ سروے کے جواب دہندگان میں فیکٹری ورکرز ، سیلز پرسنز ، اور نجی اسکولوں ، اسپتالوں اور دیگر تجارتی اداروں  کی خواتین ملازمین شامل تھیں۔

فافن کے مطابق انٹرویو  دینے والی خواتین میں سے سات فیصد روزانہ مزدوری کرنے والی تھیں جبکہ 85 فیصد ماہانہ اجرت پر کام کر رہی تھیں اور باقی خواتین کو دو ماہ یا ہفتہ وار بنیادوں پر تنخواہ دی جاتی تھی۔

پاکستان انسٹی ٹیوٹ آف ڈویلپمنٹ اکنامکس کے تخمینے کے مطابق یہ وبا مزید 71 ملین افراد کو غربت کی لکیر سے نیچے  دھکیل سکتی ہے اورمزید  18 ملین مزدوروں کو اپنی ملازمتوں سے ہاتھ دھونا پڑ سکتا ہے۔  اس صحت اور معاشی بحران کے دوران روزانہ  اجرت پر مزدوری کرنے والے اور کنٹریکٹ ملازمین سب سے زیادہ خطرے سے دوچار ہیں۔

وفاقی اور صوبائی حکومتوں کی جانب سے بڑے اور چھوٹے کاروباروں کے لیے متعدد ٹیکس چھوٹ، آسان کریڈٹ، اور یوٹیلیٹیی بلوں کی آسان ادائیگیوں  اعلان کے باوجود مزدوروں  کو نوکریوں سے  محروم کرنے اورانہیں معطل کرنے کا  عمل جاری ہے۔

سندھ اور بلوچستان کی حکومتوں نے صنعتی اور تجارتی اداروں کو دوٹوک احکامات جاری کیے ہیں کہ وہ اپنے ملازمین کو  ملازمتوں سے مت نکالیں اور انکی تنخواہوں کی ادائیگی  یقینی بنائیں۔

فافن کے مطابق اس کے باوجود 15 فیصد خواتین جنہوں نے کہا کہ ان کی ملازمت ختم کردی گئی تھی  ان کا تعلق  سندھ کے جواب دہندگان  میں سے تھا جبکہ  تین فیصدکا  بلوچستان سے

حکومت کی نا اہلی نے صوبوں کو نقصان پہنچایا، بلاول بھٹو

حکومت کی نا اہلی نے صوبوں کو نقصان پہنچایا، بلاول بھٹو

Owner   6:29 AM

کراچی (92 نیوز) چیئرمین پیپلزپارٹی بلاول بھٹو زرداری نے مرکز پر کورونا وائرس کے خلاف سندھ حکومت کی کوششیں سبو تاژ کرنے کا الزام عائد کردیا، وزیر اعظم کو کنٹینر سے اترنے کا مشورہ بھی دے دیا، کہتے ہیں مرکزی حکومت کی نا اہلی نے صوبوں کو نقصان پہنچایا کورونا کے خلاف جنگ سیاسی اختلافات کو بھلا کر لڑنا ہوگی۔

بلاول بھٹو زرداری کی سندھ اسمبلی میں پریس کانفرنس کرتے ہوئے کہا کہ وزیراعظم ہربیان میں سندھ حکومت کو نشانہ بناتے ہیں لیکن پیپلز پارٹی نے کبھی انہیں جواب نہیں دیا۔ اس صوبے کو نشانہ بنایا جاتا ہے جس میں کورونا کے خلاف سب سے زیادہ محنت ہو رہی ہے۔ وزیراعظم دیہاڑی دار ورکرز کا ذکر کرتے ہیں مگر ایک روپیہ دیا نہیں۔

انہوں نے کہا کہ یوم مئی کو ورکرز کے نام کرتے ہیں جو کورونا کے خلاف جنگ میں صف اول میں ہیں۔ چار سو ہیلتھ کیئر ورکرز کورونا وائرس کا شکار اور 9 انتقال کر گئے، یومیہ اجرت پر کام کرنے والے سب سے زیادہ متاثر ہیں۔ ڈاکٹرز اور ہیلتھ کیئر اسٹاف فرنٹ لائن پر ہیں، کورونا کےخلاف جنگ میں اپنے ڈاکٹروں کو پوری تیاری کیساتھ بھیجنا ہوگا، ڈاکٹرز نرسز صرف حفاظتی ڈریس مانگ رہے ہیں۔ افسوس حکومت پاکستان دو بنیادی مطالبات پورا کرنے کو تیار نہیں۔ دیہاتوں شہروں میں ہیلتھ ورکرز سے کام لے رہے ہیں، ہیلتھ ورکرز کی جان کا تحفظ نہیں ہورہا۔

چیئرمین پیپلزپارٹی کہتے ہیں کہ وزیر اور پی ٹی آئی کے ترجمان ہر روز بلکہ ہرگھنٹے ہمارے صوبے پر حملہ کرتے ہیں، صحت کے شعبے کیلئے وفاق سے ایک روپیہ نہیں ملا، ہم نے ایک محاذ کورونا کیخلاف اور دوسرا محاذ معیشت کیلئے لڑنا ہے، اگرکم لوگ متاثریا فوت ہوتے ہیں تو معیشت پر کم اثر ہوگا۔

انہوں نے کہا کہ یہ لوگ اٹھارہویں ترمیم کیخلاف بات کرتے ہیں اور خود کوئی  کام کرنے کو تیارنہیں، لاک ڈاؤن نرم کرنے یا ختم کرنے سے پریشر آئے گا، پاکستان نے ہر کرائسز کا مقابلہ کیا ہے، ہم اس بیماری کا مقابلہ بھی کرسکتے ہیں، ہم اپنے غریب عوام کو ریلیف دینا چاہتے ہیں مگر وفاقی حکومت ہمارا ساتھ نہیں دے رہی، اگر کام نہیں کرنا تو وزیراعظم استعفیٰ دے کر گھر جائیں، پی ٹی آئی کیخلاف کوئی سازش نہیں کررہا۔ ایک صوبائی حکومت عالمی وبا کا مقابلہ نہیں کرسکتی، سب کو مل کر لڑنا ہے، وفاقی حکومت صحت پر خرچ کرنے کیلئے سندھ کی مدد کرے۔

پٹرولیم مصنوعات کی قیمتوں میں کمی ناکافی ہے، شہبازشریف

پٹرولیم مصنوعات کی قیمتوں میں کمی ناکافی ہے، شہبازشریف

Owner   6:27 AM

لاہور: شہبازشریف نے پٹرولیم مصنوعات کی قیمتوں میں کمی مسترد کر دی، پٹرول اور ڈیزل کی قیمت میں کمی ناکافی ہے۔

تفصیلات کے مطابق ، اپوزیشن لیڈر شہباز شریف نے کہا ہے کہ عالمی منڈی میں تیل کی قیمتوں کمی کا پورا فائدہ عوام کو منتقل نہیں کیا جا رہا، عالمی منڈی میں قیمتوں میں کمی پر تیل نہ خریدنے کا خمیازہ عوام کو بھگتنا پڑ رہا ہے، حکومت پٹرول اور ڈیزل کی قیمت 50 روپے فی لٹر کرے۔

صدر ن لیگ نے کہا کہ کورونا سے پیدا شدہ غیر معمولی صورتحال میں تیل کی قیمتوں میں مزید کمی کر کے عوام کو سہولت دی جائے، معاشی پیکج یا ریلیف نہیں تو کم ازکم تیل کی قیمتوں کا فائدہ تو عوام تک پہنچایا جائے۔

غریب خاتون بچوں کو دلاسہ دینے کیلیے سالن کی جگہ پتھر پکانے پر مجبور

غریب خاتون بچوں کو دلاسہ دینے کیلیے سالن کی جگہ پتھر پکانے پر مجبور

Owner   4:36 AM

خطرناک کورونا وائرس کی وجہ سے دنیا بھر میں لاک ڈاؤن کی وجہ سے لاکھوں لوگ روز گار سے محروم ہو چکے ہیں جب کہ غربت سے تنگ آکر خودکشی کے واقعات بھی سامنے آ رہے ہیں۔

مشرقی افریقی ملک کینیا میں ایک انتہائی افسوس ناک واقعہ دیکھنے میں آیا جہاں ایک بیوہ خاتون غربت کی وجہ سے بچوں کو کھانے کا دلاسہ دینے کے لیے دیگچی میں سالن کی جگہ پتھر پکانے پر مجبور ہو گئی۔

کینیا کے شہر ممباسا کی رہائشی پنیناہ بہاتی کٹساؤ نامی خاتون اس امید میں کھانے کی دیگچی میں پتھر پکاتی رہیں کہ ان کے بچے کھانے کا انتظار کرتے کرتے سو جائیں گے۔

پنیناہ بہاتی گھر گھر جا کر کپڑے دھونے کا کام کرتی تھیں لیکن عالمگیر وبا کورونا وائرس کے پیشِ نظر لوگوں نے احتیاط برتتے ہوئے کام کرنے والوں کو آنے سے منع کر دیا جس کے باعث دیگر افراد کی طرح پنیناہ بھی بے روزگار ہو گئی۔

خاتون کو دیگچی میں پتھر ابالتے ہوئے ان کی پڑوسن نے دیکھ لیا اور ان سے رہا نہ گیا تو انہوں نے خاتون کی مدد کرنے کے لیے میڈیا سے رجوع کیا۔

بعد ازاں کینیا کے این ٹی وی کی جانب سے بیوہ خاتون کا انٹریو لیا گیا جس کے بعد ان کی بے شمار لوگوں کی جانب سے مدد کرنے کا سسلہ شروع ہوگیا۔

بیوہ خاتون کا لوگوں کی اس ہمدردی کے بارے میں کہنا تھا کہ یہ ایک معجزہ ہے، مجھے یقین نہیں آرہا کہ کینیا کے لوگ اس قدر پیار کرنے والے ہیں اور میری مدد کر رہے ہیں۔

ملک میں کورونا سے مزید 30 اموات، ہلاکتیں 391 اور مجموعی کیسز 17439 ہوگئے

ملک میں کورونا سے مزید 30 اموات، ہلاکتیں 391 اور مجموعی کیسز 17439 ہوگئے

Owner   4:34 AM

آج ملک بھر سے کورونا کے مزید 966 کیسز رپورٹ ہوئے ہیں اور 30 ہلاکتیں بھی سامنے آئی ہیں

ملک میں آج اب تک کورونا وائرس سے مزید 30 افراد جاں بحق ہوگئے جس کے بعد ہلاکتوں کی مجموعی تعداد 391 ہوگئی جب کہ نئے کیسز سامنے آنے سے مصدقہ مریضوں کی تعداد 17439 تک جا پہنچی ہے۔

اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 146 افراد انتقال کر چکے ہیں جب کہ سندھ میں 118 اور پنجاب میں 106 افراد جاں بحق ہوئے ہیں۔

اس کے علاوہ بلوچستان میں 14، اسلام آباد 4 اور گلگت بلتستان میں 3 افراد مہلک وائرس کے باعث جاں بحق ہو چکے ہیں۔

آج کے کیسز کی صورتحال

آج بروز جمعہ ملک بھر سے اب تک کورونا کے مزید 966کیسز سامنے آچکے ہیں اور 30 ہلاکتیں بھی ہوئی ہیں جن میں سندھ سے 622 کیسز 6 ہلاکتیں، خیبرپختونخوا 314 کیسز اور 24 ہلاکتیں اور اسلام آباد سے 30 کیسز رپورٹ ہوئے ہیں۔

سندھ

صوبے میں آج کورونا کے مزید 622 نئےکیسز رپورٹ ہوئے اور 6 ہلاکتیں بھی ہوئی ہیں جس کی تصدیق وزیراعلیٰ سندھ نے کی۔

وزیراعلیٰ نے بتایا کہ نئے کیسز کے بعد صوبے میں کورونا کے مجموعی مریضوں کی تعداد 6675 اور ہلاکتیں 118 ہوگئی ہیں۔

مراد علی شاہ کے مطابق مزید 73 مریض صحت یاب ہو کر گھروں کو چلے گئے جس کے بعد صحت یاب ہونے والوں کی تعداد 1295 ہوگئی ہیے۔

خیبرپختونخوا

خیبر پختونخوا حکومت کی جانب سے جمعرات 30 اپریل کو کورونا وائرس کے اعداد و شمار جاری نہیں کیے گئے تھے تاہم آج جمعہ کو جاری اعداد و شمار  میں مزید 314 کیسز اور بڑی تعداد میں 24 ہلاکتیں رپورٹ کی گئی ہیں۔

صوبائی وزیر صحت تیمور جھگڑا نے صوبے میں نئے کیسز اور ہلاکتوں کی تصدیق کی۔

خیبرپختونخوا میں کوروناکے مجموعی کیسز کی تعداد 2627 اور ہلاکتیں 146 ہوچکی ہیں جب کہ صوبے میں اب تک کورونا سے 654 افراد صحت یاب ہوچکے ہیں۔

اسلام آباد

وفاقی دارالحکومت میں آج کورونا وائرس کے مزید 30 کیسز سامنے آئے ہیں جو سرکاری پورٹل پر رپورٹ کیے گئے ہیں۔ پورٹل کے مطابق نئے کیسز سامنے آنے کے بعد اسلام آباد میں کیسز کی مجموعی تعداد 343 ہوگئی ہے جب کہ شہر میں وائرس سے اب تک 4 افراد جاں بحق ہوچکے ہیں۔

پنجاب

پنجاب سے جمعرات کو کورونا کے مزید 513 کیسز سامنے آئے اور 6 ہلاکتیں بھی رپورٹ ہوئیں۔

صوبائی ڈیزاسٹر منیجمنٹ اتھارٹی کے مطابق صوبے میں کورونا سے متاثرہ افراد کی مجموعی تعداد 6340 اور ہلاکتیں 106 ہوگئی ہیں۔

پنجاب میں اب تک کورونا سے صحت یاب ہونے والوں کی تعداد 1921 ہوگئی ہے۔

بلوچستان

بلوچستان میں جمعرات کو کورونا کے مزید 75 کیسز سامنے آئے جس کی تصدیق صوبائی محکمہ صحت کی جانب سے کی گئی۔

محکمہ صحت کےمطابق صوبے میں کورونا وائرس کے کیسز کی تعداد 1049 ہوگئی ہے جب کہ 14 افراد جاں بحق ہوچکے ہیں۔

بلوچستان میں اب تک کورونا وائرس سے 183 افراد صحت یاب بھی ہوگئے ہیں۔

گلگت بلتستان

گلگت بلتستان میں جمعرات کو کورونا کے 6 نئے کیسز رپورٹ ہوئے جس کے بعد مجموعی تعداد 339 تک پہنچ گئی۔

میرا کردار سیاسی، عاصم باجوہ کی اپنی مہارت ہے، ٹیم بن کر کھیلیں گے: وزیر ا طلاعات

میرا کردار سیاسی، عاصم باجوہ کی اپنی مہارت ہے، ٹیم بن کر کھیلیں گے: وزیر ا طلاعات

Owner   4:27 AM

پاکستان کر کٹ بورڈ کے سابق چیف ایگزیکٹو آفیسر عارف عباسی کا کہنا ہے کہ سابق ٹیسٹ کرکٹ باسط علی بھی میچ فکسنگ کا اعتراف کر چکے ہیں لیکن صرف سلیم ملک کو نشانہ بنانا سمجھ سے بالاتر ہے۔

سابق سی ای اوپی سی بی عارف عباسی کا کہنا ہے کہ 1994 میں سری لنکا کے دورے کے بعد منیجر انتخاب عالم نے بتایا کہ باسط علی نے فکسنگ کا اعتراف کر لیا ہے۔

ان کا کہنا ہے کہ بطور پی سی بی چیف ایگزیکٹو انتخاب عالم کو ٹور رپورٹ میں واقعہ درج کرنے کو کہا لیکن افسوس کہ انتخاب عالم نے اپنی رپورٹ میں اس واقعے کا ذکر نہیں کیا، انتخاب عالم نے واقعے کا ذکر نہ کرکے غلط کیا۔

سلیم ملک کے حوالے سے بات کرتے ہوئے عارف عباسی نے کہا کہ سلیم ملک کو کیوں نشانہ بنایا جاتا رہا سمجھ سے باہر ہے، سابق کپتان سلیم ملک کو مسلسل ٹارچر کیا گیا۔

عارف عباسی نے مزید بتایا کہ سلیم ملک کی انکوائری سابق چیف جسٹس فخر الدین جی ابراہیم سے کرائی گئی تھی، فخر الدین جی ابراہیم نے اپنی رپورٹ میں سلیم ملک کو بے قصور قرار دیا تھا۔

انہوں نے یہ بھی بتایا کہ سلیم ملک پر الزام لگانے والے آسٹریلین کرکٹر کو غلط بیانی پر جرمانے کا سامنا کرنا پڑا، ایک بار انکوائری کے بعد دوسری بار انکوائری کی کیا ضرورت تھی، فخر الدین جی ابراہیم کے بعد جسٹس قیوم کمیشن بنانے کی ضرورت نہیں تھی۔

ایس ایس پی آپریشنزاسلام آباد کی قیدیوں کوعدالتوں میں پیش کرنےسےمعذرت

ایس ایس پی آپریشنزاسلام آباد کی قیدیوں کوعدالتوں میں پیش کرنےسےمعذرت

Owner   4:19 AM

اسلام آباد میں کرونا وائرس کے باعث جیل کے قیدیوں کومزید 9 مئی تک عدالتوں میں پیش نہیں کیا جائے گا۔

ایس ایس پی آپریشنز اسلام آباد نے جوڈیشل کمپلیکس کے منتظم جج کو خط لکھا ہے کہ احتیاطی تدابیر کے تحت 9 مئی تک قیدیوں کو عدالتوں میں پیش نہیں کیا جائے گا۔

مراسلے میں تحریر ہے کہ حکومت نے سرکاری اورعوامی مقامات پراجتماع کم سے کم کرنے کی ہدایات جاری کی ہیں، جوڈیشل لاک اپ میں قیدیوں کی تعداد زیادہ جبکہ جگہ کم اور تنگ ہے۔

مراسلے میں خدشہ ظاہر کیا گیا ہے کہ زیادہ تعداد میں قیدیوں کی موجودگی کرونا وائرس کے پھیلاؤ کا باعث بن سکتی ہے۔

واضح رہے کہ کرونا وائرس کے باعث جوڈیشل کمپلیکس اسلام آباد میں قائم عدالتوں کے ملازمین کی چھٹیاں منسوخ کردی گئی ہیں۔ اس سلسلے میں فیڈرل جوڈیشل کمپلیکس کے ایڈمن جج راجہ جواد عباس حسن نے نیا سرکلر جاری کردیا ہے۔یہ اقدام اسلام آباد ہائیکورٹ کی جانب سے نئے شیڈول کے پیش نظر اٹھایا گیا۔

سرکلر میں احتساب عدالت،انسداد دہشتگردی سمیت دیگر عدالتوں کے عملے کو حاضری یقینی بنانےکی ہدایت کی گئی اور کہا گیا کہ لاک ڈاؤن کے باعث جوڈیشل کمپلیکس ملازمین کی اکثریت کو 5 مئی تک چھٹیاں دی گئی تھی، تمام ججزاہم نوعیت کےمقدمات کی سماعت یقینی بنائیں تاہم اس دوران کرونا سے بچاؤ کےحفاظتی انتظامات کا خیال بھی رکھا جائے۔ سماجی فاصلے کے پیش نظر محدود اسٹاف ہی جوڈیشل کمپلیکس ڈیوٹی پر آتا تھا۔

وزیراعظم کی لاک ڈاؤن میں نوجوانوں کو کتاب پڑھنے کی تجویز

وزیراعظم کی لاک ڈاؤن میں نوجوانوں کو کتاب پڑھنے کی تجویز

Owner   4:18 AM

اسلام آباد: وزیراعظم عمران خان نے لاک ڈاؤن کے دوران نوجوانوں کو کتاب پڑھنے کی تجویز دی اور اسلامی تہذیب اور تاریخ پر مبنی کتاب پڑھنے کی سفارش کی ہے۔ تفصیلات کے مطابق وزیراعظم عمران خان نے سماجی رابطوں کی ویب سائٹ ٹوئٹر پر اپنے پیغام میں  نوجوانوں  کو لاک ڈاؤن  کے دوران کتاب پڑھنے کی تجویز پیش کی ہے ۔وزیراعظم نے  نوجونواں سے اسلامی تہذیب اور تاریخ پر مبنی کتاب پڑھنے کی سفارش کی۔وزیر اعظم عمران خان نے نوجوانوں کو اپنی ٹوئٹ میں فراس الخطیب پڑھنے کی تجویز دیتے ہوئے کہا کہ  مسلمانوں کی تاریخ سے متعلق  یہ زبردست کتاب ہے،کتاب میں مسلمانوں کےعروج اور زوال کی وجوہات کی داستان درج ہے۔

دو خصوصی پروازوں کے ذریعے پانچ سو سے زائد پاکستانی وطن واپس پہنچ گئے

دو خصوصی پروازوں کے ذریعے پانچ سو سے زائد پاکستانی وطن واپس پہنچ گئے

Owner   4:17 AM

اسلام آباد: (1 مئی 2020) کرونا وائرس کی وبا کے باعث سعودی عرب میں پھنسے پانچ سو سے زائد پاکستانی وطن واپس پہنچ گئے۔ ایئرپورٹ پر طبی جانچ اور اسکریننگ کے بعد مسافروں کو قرنطینہ مراکز منتقل کردیا گیا۔

پی آئی اے کی دو خصوصی پروازیں پانچ سو سے زائد مسافروں کو لے کر سعودی عرب سے وطن واپس پہنچیں۔ پہلی پروازسے دو سو چون پاکستانیوں کو سعودی دارالحکومت ریاض سے اسلام آباد واپس لایا گیا جبکہ دوسری پروازجدہ سے دو سو پچا س سے زیادہ مسافرلاہور پہنچے۔ مسافروں کو طبی جانچ اور اسکریننگ کے بعد قرنطینہ مراکز منتقل کردیا گیا کورونا وائرس ٹیسٹ منفی آنے پر مسافروں کو گھروں کو جانے کی اجازت دی جائے گی۔

امریکی گلوکارہ لیڈی گاگا کا طبی عملے کے نام لو لیٹر

امریکی گلوکارہ لیڈی گاگا کا طبی عملے کے نام لو لیٹر

Owner   4:14 AM

 معروف امریکی گلوکارہ لیڈی گاگا نے جان کی پرواہ نہ کرتے ہوئے کورونا وائرس میں مبتلا مریضوں کا علاج کرنے والے طبی عملے کے نام پیار بھرا خط لکھ کر خراج تحسین پیش کیا اور اسے براہ راست ٹی وی پروگرام میں پڑھ کر بھی سنایا۔ کورونا وائرس وبا کی اعصاب شکن جنگ میں طبی عملہ ہراول دستے کا کردار ادا کر رہا ہے اور دنیا بھر میں انہیں خراج تحسین پیش کرنے کا سلسلہ جاری ہے، دلچسپ اور منفرد طریقوں کو اپناتے ہوئے طبی عملے کی حوصلہ افزائی کی جارہی ہے۔ عالمی شہرت یافتہ امریکی گلوکارہ لیڈی گاگا نے طبی عملے کے نام محبت نامہ ہی لکھ دیا۔ امریکی گلوکارہ لیڈی گاگا نے ساتھی گلوکاروں کے ہمراہ ٹیلی وژن پر طبی عملے کی خدمات کو سراہنے اور ان کے جذبے کو خراج تحسین پیش کرنے سے متعلق میوزیکل پروگرام میں شرکت کی اور طبی عملے کے نام لکھے گئے اپنے لو لیٹر کو پڑھ کر سنایا اور کچھ سطریں گنگنائی بھی۔ خط میں تحریر تھا کہ طبی عملے نے اپنی جانفشانی سے میرا دل جیت لیا ہے اور ان کا شکریہ ادا کرنے کے لیے میرے پاس الفاظ نہیں۔ طبی عملہ میرے ان الفاظ کو میری جانب سے ایک لولیٹر سمجھیں۔ ایس او پی پر عملدرآمد کرکے کورونا وا ئرس کوقا بو کیاجا سکتا ہے، کمشنر

ایس او پی پر عملدرآمد کرکے کورونا وا ئرس کوقا بو کیاجا سکتا ہے، کمشنر